Tum meri kon ho tum se hai taluq kaisa…

Tum kisi dhund mein lipti huyi tanhai ho…

Meri shuhrat ho, dua ho, meri ruswai ho…

Baat karti ho kabhi chup mein bikhar jati ho…

Kion meri rooh ke goshon pe sitam dhaati ho..

Tum meri kon ho tum se hai taluq kaisa…

Gungunati ho to mehsoos yeh hota hai mujhe…

Jaise daryaon ke sahil se sada Aati hai…

Paas Aata hon to khoabon mein utar jati ho…

Door jata hon to daman se lipat jati ho…

Tum mere paas ho na door ho mere dil se…

tum mere paas ho na door ho mere dil se…

Tum meri kon ho tum se hai taluq kaisa…

Jaan se maar de mujhe leken…

Chor jane ka mujh pe zulm na kar…

Dil ke bikhrey huye jaalon se pareshan na ho…

Mere guzrey huye saalon se pareshan na ho…

Meri awaz ki talkhi ko gawara kar ley…

Mere gustakh sawalon se pareshan na ho…

Main nei mana teri Aankhein nahi khulti hein magar…

Din nikalne de, ujaalon se pareshan na ho…

Apni zulfon mein utarti hui chaandi ko chupa…

Mere bikhrey huye baalon se pareshan na ho…

Aye meri dost main bharpoor hua hon tera…

Mere maazi ke hawalon se pareshan no ho…

Dekh yon door na ho mujh ko laga ley dil se….

Tu meri rooh ke chaalon se pareshan na ho…

Khud ko veeran na kar mere liye, jaan meri…

In pareshan khayalon se pareshan na ho…

Yaad hai tum ko…

Ghar ke pichley laan mein hum tum…

Shab bhar baatein karte they…

Jhagra hota to hum lar kar…

Chaand ko munsaf kar letey they…

Chaand sada ka paaji hai…

Chahey kuch ho…

Magar humesha…

Ake hi baat karta tha…

Teri side liya karta tha…

Sulag rahi hein agar batiyan si mujh mein wasi…

Tumhari yaad nei mehka diya, jala bhi diya…

Ek yehi Aas hi kaafi hai mere jeene mein…

Dil nahi Aap dharakte hein mere seene mein…

Tujh se jo ghao meley dil se laga letey hein…

Kitni lazat hai teri zaat ke gham peene mein…

Jo Aasman se zameen par azab utra hai…

Kisi sawaal ka logo jawab utra hai….

Uski Aankhon mein muhabbat ka sitara hoga…

Ake din aye ga woh shakhas humara hoga…

Tum jahan mere liye seepiyan chunti hogi…

Woh kisi aur hi dunya ka kinara hoga…

Zindagi! ab ke mera naam na shamil karna…

Gar yeh teh hai ke yehi khel dobara hoga…

Jis ke hone se meri saans chala karti thi…

Kis tarah us ke baghair apna guzara hoga…

Yeh achanak jo ujala sa hua jata hai…

Dil nei chupke se tera naam pukara hoga…

Ishq karna hai to din raat usey sochna hai…

Aur kuch zahen mein aya to khasara hoga…

Yeh jo paani mein chala aya hai sunehri sa gharoor…

Us nei darya mein kahein paon utara hoga…

Kon rota hai yahan raat ke sanaton mein…

Mere jaisa hi koi hijr ka maara hoga…

Mujh ko maloom hai jonhi main qadam rakhon ga…

Zindagi tera koi aur kinara hoga…

Jo meri rooh mein badal se garajte hein wasi…

Us nei seene mein koi dard utaara hoga…

Kaam mushkil hai magar jeet hi loon ga usko…

Mere mola ka wasi jonhi ishaara hoga…